رحله الفيوم 26-12-2013

رحله الفيوم

الرحله الثالثه من رحلات اعرف بلدك كانت فى الفيوم كان مشوار طويل جدا بس بصراحه الطبيعه تستاهل ان الواحد يستحمل اى حاجه علشانها

لدرجه ان نسينا التعب اول ما شوفنا الشلالات الجميله اوى هي اه صغيره بس دى الشلالات الوحيده بمصر تستاهل اننا نروح ليها من كل مكان بمصر علشان نتمتع ببلدنا الجميله جدا

عملنا حفله شواء على الفحم ادام الشلالات واخدنا صور جميله هناك

واحنا بطريقنا لوادى الريان اللى موجود بيه الشلالات عدينا على بحيره قارون وكان واضح ان فى تطويرات من محافظه الفيوم على البحيره دى بانشاء نوادى وملاعب ومقاهى

 وبعد ما استمتعنا بالمكان بمناظر الشلالات وصوت الشلالات طلعنا على المزار التانى وهو مول العرب
 مول العرب اللى بيميزه جدا هو ان موجود فيه اول نافوره راقصه بمصر بصراحه كانت تحفه انصح بان المصريين يروحوا المول دا

لان وجودهم كان قليل هناك مقارنه بالجنسيات المختلفه سواء عربيه او اجنبيه


 ومن ضمن فعاليات اليوم عملنا مسابقه وكان الراعى فيها الزعيم لخدمات الكمبيوتر وكان في فائزين واستلموا الجوائز المقدمه من شركه الزعيم فى اتوبيس الرحله


 من ضمن ملاحظاتى فى اليوم دا ان محافظه الفيوم مش عامله ترويج اعلانى للمحميه الطبيعيه اللى موجوده عندها فا اتمنى بجد ان يكون فى اهتمام بموضوع الترويج الاعلانى دا وتقديم تسهيلات لكل الزائرين من اى حته بمصر والعالم لان موجود بالمحميه وادى الحيتان اللى متصنف عالميا بوجود اكبر تجمع حفريات للحيتان بالعالم عمرها اكتر من 40 مليون سنه .



واسيبكم مع صور الرحله المقدمه من شركه الزعيم لخدمات الكمبيوتر الراعى الرسمى لرحلات اعرف بلدك