رحله الاسكندريه 7-11-2013

الرحله دى الحمد لله بعد توفيق من الله كانت جميله جدا

مكنش فيها اى نوع من انواع الملل 

شوفنا اماكن جديد استفادنا كتير من مرشدنا السياحى الاستاذ احمد عبد السلام

فى اول اليوم رحنا على مكان اسمو مقبره كوم الشقافه دى كانت قديمه جدا تحت الارض فيها مزج من الحضاره الفرعونيه والحضاره الرومانيه

وطلعنا رحنا عمود السوارى المرشد السياحى شرح عن المنطقه دى وتاريخها ورحنا فى انفاق تحت الارض والممرات السريه كان حاجه غريبه فعلا وكان فيه طاقه بصراحه فى الاماكن دى لانها كانت اول مره نزورها 

من بعد زيارتنا لعمود السوارى رحنا لقلعه قايتباى طبعا القلعه دى غنيه عن التعريف 

وطلعنا بعدين على قصر وحديقه المنتزه كانت الاعده فى غايه الروعه حاجه تفرح اننا نشوف فى بلدنا الحجات الجميله دى بس لو كل بلدنا تبقى جميله كدا زى ماضيها هانكون احسن بلد فى الدنيا 

وفى نهايه اليوم عملنا تسويق بمول كارفور شوفنا التكلوجيا الجديده المعروضه بالسوق المصرى ودى كانت نهاية يومنا الجميل 

بالاسكندريه من اجمل مدن مصر ان شاء الله الرحله دى تتكرر تانى باماكن مختلفه ونشوف حجات جديده وجميله ونعرف بلدنا اكتر واكتر ونفضل نفتخر فيها ومنفقدش الامل ابدا 

واسيبكم بقى بعد كلامى الكتير عليكم دا بشويه صور من رحلتنا